Финлянд-Герман, Литва-Шведийн хоорондох усан доорхи кабель тасарсныг хорлон сүйтгэх ажиллагаа гэж дүгнэж байна. НАТО усан доорх чухал дэд бүтцийг хамгаалахын тулд тандалт, судалгаа, зохицуулалт хийж байна.

Өнгөрсөн сард Финлянд, Герман, Литва, Шведийн хоорондох усан доорх мэдээллийн кабель нэг өдөр тасарсан болохыг илрүүлсэн. Европын албаны хүмүүс кабелийн гэмтэл нь зориудаар хийгдсэн. Энэ нь далайн доорх чухал шугамууд хэр эмзэг болохыг харуулж байна гэжээ.

Финландын булан дахь ОХУ-ын Усть-Луга боомтоос хөдөлсөн “И Пэн 3” ачааны хөлөг онгоцыг уг хэрэгт сэжиглэж байна. Энэ онгоцны зангуу 100 гаруй миль кабелийг чирж гэмтээсэн гэж байгаа ч нотлогдоогүй байна.