Нигерийн хойд хэсэгт бензин тээвэрлэх машин дэлбэрсэн. Дэлбэрэлтийн улмаас 140 хүн нас барсан гэж мэдээлсэн ч тоо нь нэмэгдсэн байна. Нигер мужийн Сулежа орчимд хүмүүс генератор ашиглан бензинээ нэг цистернээс нөгөө ачааны машин руу шилжүүлэхийг завдсаны улмаас уг дэлбэрэлт болжээ.Шатахууны дамжуулалт дэлбэрэлтийг өдөөж, бензин дамжуулж байсан хүмүүс болон хажууд байсан хүмүүс амиа алдсан гэж Онцгой байдлын үндэсний агентлагийн ажилтан Хусайни Исах Associated Press агентлагт мэдээлжээ. .Эрэн хайх, аврах ажиллагаа явагдаж байгаа бөгөөд ачаа тээвэрлэх үр ашигтай төмөр замын систем байхгүйгээс Африкийн хамгийн олон хүн амтай Нигери улсын ихэнх гол зам дагуу хүнд даацын машин осолдох нь элбэг байдаг юм. Өмнө нь Нигер мужид шатахуун түгээх машин тээвэрлэж явсан машин өөр ачааны машинтай мөргөлдсөний улмаас дэлбэрэлт болж 48 хүн амиа алдсан юм.Нигерийн Холбооны Замын Аюулгүй Байдлын Корпусын мэдээлснээр 2020 онд 1531 шатахуун тээвэрлэгч машин осолдож, 535 хүн нас барж, 1142 хүн шархадсан байна.