СЭМҮТ-ийн дансанд орох ёстой 528 сая төгрөгийг хууль бусаар завшжээ. Иргэд эмнэлэгт хэвтэн эмчлүүлсэн орны төлбөрийн бүртгэлийг цуцалдаг. Мөн цагтаа ирээгүй шалтгаанаар хэвтээгүй хэмээн бүртгэж эмчлүүлэгчийн төлсөн төлбөрийг 24 цагийн дотор эмнэлгийн данснаас гаргаж авдаг хэрэг илэрсэн байна. Нийт 528 сая төгрөгийн цуцлалт хийж, бэлнээр болон хувийн данс руу шилжүүлж авдаг нь тогтоогдсон учир цагдаагийн байгууллагаас эрүүгийн хэрэг үүсгэн шалгаж эхэлжээ. СЭМҮТ-ийн өмнөх дарга нар нь ажилтнуудтайгаа хуйвалдсан хэргийг илрүүлсэн, эмнэлгийн орлогыг 30% нэмэгдүүлсэн шинээр томилогдсон даргыг ЭМЯ ажлаас нь халсан нь асуудал дагуулж байна.