Иргэний нисэхийн ерөнхий газар өөрийн байраа 7500-20.000 төгрөгөөр түрээсэлдэг хэрнээ бусдын байрыг 125000 төгрөгөөр түрээсэлдэг. Энэ бол 24 дахин их үнэ төлж байна гэсэн үг. Олон байгууллага энэ зөрчлийг гаргадаг.Цаашид төрийн байгууллагууд өндөр түрээс төлж байр түрээслэхийг хориглоно. Татвар төлөгчдийн мөнгөөр тоглох болохгүй гэх сүртэй мэдээллийг ЗГ, төрийн байгууллагууд байсхийгээд л хийдэг. Гэхдээ төсөв тойрсон зөрчил жил бүр гарч, аудитын байгууллага ёс юм шиг танилцуулдаг. Төр нь дийлдэггүй байгууллагыг түмэн олон дийлнэ гэж юу байх вэ. Тиймээс төсвийн ил тод байдлыг ханган шилэн дансны хөтлөлтийг төгс хийх хэрэгтэй л гэдэг. Бас л төгс бүхэн нь төсөв дээр очихоороо тоглоом болсоор ирсэн. Амласан бол хэрэгжүүлэхгүй бол ард түмэн дүн, жин тавих сонгуулийн жил дөхөж байна улстөрчдөө. Унтаж байгаад сэрэхэд чинь сонгууль өнгөрсөн байх вий дээ.