Зорилтот бүлэгт чиглэсэн Солонго 1,2 орон сууцны түрээслэх үнийг 700 мянган төгрөг, түрээслээд өмчлөх бол 1,4 сая байхаар тогтоолоо. Орон сууц 45м2 бөгөөд 20 дотор төлж барагдуулж болно. Иргэд 700 мянгаар нь түрээсээ төлж, үлдсэн 700 мянгаар нь байрны зээлээ хаах боломжтой гэдгийг мэдээлсэн. Иргэд байр түрээслэх зах зээлийн үнэтэй ойролцоо байна гэдгийг хэлж байгаа юм. Одоогоор орон сууцны ипотекийн зээлд хамрагдах 20 мянган иргэн хүсэлтээ өгөөд байна. Нийт 37 мянган иргэн 9,2 их наяд төгрөгөөр ипотекийн зээлд хамрагдсан. Үүнээс 6000 иргэн л гэр хорооллоос байранд орсон байна. Тиймээс агаарын бохирдлыг бууруулах үүднээс гэр хорооллын иргэдийг илүү хамруулах бодлого төрөөс баримтална.Иргэд амьдарч буй газар, хувийн орон сууцаа төрд өгөөд Солонго 1,2-т орох боломжтой гэв.