Зээлийн мэдээллийн сангийн хууль УИХ-ын чуулганы нэгдсэн хуралдаанаар орж олонхи гишүүдийн дэмжлэг авч батлагдсан. Гэтэл банкны хар жагсаалт хэвээр байгаагаас зээлтэй 70 мянган иргэн зээл авах боломжгүй нөхцөл байдал хэвээр үргэлжилсээр байгаа юм. Зээл онооны системд шилжсэнээр зээлтэй иргэд бизнесээ босгох боломжтой болно гэх хүлээлт нийгэмд байсан юм. Энэ хүлээлт хэзээ биелэхийг хууль батлуулсан гишүүд Монголбанкнаас шаардсан. Монголбанк судалгаа хийж 9 сар гэхэд журмыг батлан хэрэгжүүлэх боломжтой гэсэн хариу өгчээ.