Өнгөрсөн онд ОБЕГ-ын техник хэрэгслийг сайжруулах ажлын 130 тэрбум төгрөг төсөвлөн 8 машин авахаар болсон. Гэхдээ одоогоор машиныг аваагүй байгаа аж. Галын машинууд 10 давхар барилгад хүрэх шаттай байгаа юм. Хорин давхар барилгад гал гарч утаанд хордох шахсан иргэн охиноо тэврэн цонхноос дүүжлэгдэн агаар авч байгаа зураг энэ салбарт техникийн шинэчлэл хийх яаралтай хийх шаардлагатай байгааг харуулсан. Өмнө нь ч Дүнжингаравын шатахуун түгээгүүрийн дэлбэрэлтийн үеэр зайнаас ус шүрших машингүйгээс аврагчдын амь нас эрстсэн харамсалтай хэрэг гарч байсан. . Асгат суманд мал олноор уурхайн нүхэнд унаж нас барсан хэрэг гараад арга хэмжээ авч амжаагүй байхад араас хүүхэд цооногт унасан, өндөр барилгад иргэд хордох шахсан гээд хөдөлмөр аюулгүй ажиллагааны стандарт мөрөөдгүйн улмаас гарсан хэргүүд үргэлжилж байгаа юм. Холбогдох яамдууд анхаарч харьяа хяналт шалгалтын сайжруулах хэрэгтэй байна. Осол аваар гарах бүрт хяналт шалгалт хийдэг ч дараа нь мартан орхидгоос дээрх ослууд үргэлжлэн гарсаар л байна. Жилд нэгээс хоёр удаа хамтарсан ажлын хэсэг гарч нэгдсэн шалгалт хийх хэрэгтэй байна. ОБЕГ-ын дарга өрөмдлөгийн цооногийг хаагаагүй орхисон уул уурхай компаниудад хариуцлага тооцно. Хаана, хэний ямар буруутай ажиллагааны улмаас хүний амь эрстэж, мал олноор хорогдож байгааг тогтоон хариуцлага тооцно гэжээ.