ЭЗХЯ-наас 124 төсөл, 186 арга хэмжээг хэрэгжүүлэх зардалд 15,3 их наяд төгрөг төсөвлөн УИХ-ын гишүүдэд танилцуулсан. Гишүүд ЭЗХЯ-наас оруулж ирсэн төсвийн төслийг дэмжих боломжгүй. Төсвийнхөө задаргааг тайлагнахгүй тойм төдий тоо, жагсаалт оруулж ирж байгаа нь шаардлага хангахгүй байна. Тиймээс төсвийн задаргааг гаргах шаардлагатай гэсэн санал хэлсэн байна.Энэ үеэр УИХ-ын гишүүн С.Цэнгүүн болон нэр бүхий гишүүд орон нутагт хийхээр төлөвлөсөн гэсэн тодотголтой хэрэгжих төсөвгүй төслүүд их байна. Мөрөөдлийн төсөв оруулж ирж болохгүй. Хаана, ямар ажил хэрэгжүүлэх гэж байгааг байршлаар нь дэлгэцэнд харуулж төсөв баталдаг байсан гэдгийг сануулжээ.