Ойрхи Дорнодын дайны улмаас газрын тос тосны үнэ өсч дэлхий дахинд эдийн засаг хүндэрч байгаа учраас улс орнууд улс төрийн тогтвортой байдлыг нэн тэргүүнд тавьж байна. Гэтэл Монгол улсад 1,3 жил болоод л улстөржин засаглалаа унагадаг жишиг давтагдан Ерөнхий сайд Д.Занданшатар ажлаа хүлээлгэн өгснөөр Засгийн газар бүрэн бүрэлдэхүүнээрээ огцорлоо. Шинэ Ерөнхий сайдаар УИХ-ын дарга Н.Учралыг томилох МАН-ын Бага хурлын шийдвэр гарсан. Д.Занданшатарыг ирэх онд болох Ерөнхийлөгчийн сонгуульд нэр дэвших улс төрийн тохироо хийгдсэн гэх мэдээлэл цацагдаж байна. Шинээр бүрдэх Засгийн газрыг цомхон чадварлаг багаар бүрдүүлэх шаардлагатайг олон нийт сануулж байгаа юм. Цахимд МАН-ын гишүүд аль хэдийн УИХ-д олон сонгогдсон гишүүдийг томилох хэрэгтэй гэх бор шувууд нисгэж байгаа ч иргэд гурван Засгийн газар улирсан сайдуудын хэрэг байхгүй. Маргаан мэтгэлцээн нэмэхээс цаашгүй байгааг сануулсаар байна. Улс төрийн дараагийн шийдвэрүүд энэ долоо хоногт гарна.