Төв аймгийн Хүнс, хөдөө аж ахуйн газрын Хяналтын хэлтсээс сургуулийн орчмын 13 хүнсний дэлгүүрт хяналт шалгалт явуулж байна. Хяналтаар гарал үүсэл нь тодорхойгүй, хугацаа нь дууссан, шошгын зөрчилтэй болон чихрийн өндөр агууламжтай бүтээгдэхүүн худалдаалж буй зөрчлүүдийг илрүүлжээ.Нийт 11 нэр төрлийн 304 ширхэг гарал үүсэл тодорхойгүй битүүмж алдагдсан, 3 нэр төрлийн 5 ширхэг хугацаа хэтэрсэн бүтээгдэхүүнийг устгасан байна. Иргэд та бүхэн хүүхдүүддээ хүнс худалдан авахдаа бүтээгдэхүүний гарал үүсэл, шошго, хадгалалтын нөхцөл, хугацааг заавал шалгаж, ил задгай худалдаалагдаж буй хүнсний бүтээгдэхүүнээс татгалзахыг зөвлөх, хүнсний зөрчил илэрвэл холбогдох байгууллагад мэдэгдэхийг уриалжээ.