Зөвшөөрөгдөх дээд хэмжээнээс хэтэрсэн задрах боломжгүй ачаа тээвэрлэлтийг зогсоож байгааг ЗТХЯ-наас мэдээлжээ. Цаг агаар сэрүүсч газрын хөрс хөлдөж, ус чийг ихээр хуримтлагдсанаар авто замын ачаа даах чадвар, бат бэхийн үзүүлэлт огцом буурч байна. Тиймээс 10 дугаар сарын 15-наас 11 дүгээр сарын 15 хүртэл хэтэрсэн ачаа тээвэр хийж авто зам, замын байгууламжид хохирол үүсгэсэн тохиолдолд тухайн иргэн, аж ахуйн нэгж байгууллага холбогдох хуулийн дагуу хариуцлага тооцохыг сануулжээ.