Сэлэнгэ аймгийн Алтанбулаг боомтоос Улаанбаатар хотын Сүхбаатарын талбай хүртэл нийт 350 км замыг туулахаар Г.Ариунзаяа 8 дахь өдрөө гүйж байна.Тэрбээр Оросын Холбооны Улсын Екатеринбург хотын Хууль зүйн дээд сургуулийн эрх зүйн 1 дүгээр дамжааны суралцагч, ахлагч юм. Түүнийг 320 км зам туулж, Улаанбаатар хотын Сонгинохайрхан дүүргийн 21 дүгээр хорооны нутаг дэвсгэрт хүрэхэд 405, 429 дүгээр хорих ангийн бүрэлдэхүүн, төрөлжсөн мэргэшлийн эмнэлгийн баг, гэр бүлийнх нь гишүүд хүлээн авч, хүндэтгэл үзүүллээ.