Баруун аймгуудын нутгаар долдугаар сарын нэгдүгээр арав хоногийн дунд болон сүүлч үед бороо орж, салхи борооны өмнө түр зуур ширүүснэ. Төвийн аймгуудын нутгаар сарын эхээр нутгийн хойд хэсгээр түр зуурын аадар бороо орж, ихэнх нутгаар сэрүүснэ. Зүүн аймгуудын нутгаар сарын эхээр нутгийн хойд хэсгээр, нэгдүгээр арав хоногийн дунд үеэр ихэнх нутгаар аадар бороо, бороо орж, борооны өмнө салхи түр зуур ширүүснэ. Цаашдаа хоёрдугаар арав хоногийн эхэн болон дунд үе, гуравдугаар арав хоногийн дүнд үеүдэд зарим газраар дуу цахилгаантай аадар бороо орно. Говийн аймгуудын нутгаар нутгийн хойд хэсгээр дуу цахилгаантай аадар бороо орж, салхи борооны өмнө түр зуур ширүүснэ. Сарын хоёрдугаар арав хоногийн дунд үе, гуравдугаар арав хоногийн эхэн болон дунд үед дуу цахилгаантай аадар бороо орно.