Хөвсгөлийн уулсаас эхтэй Эг, Үүр, Дэлгэрмөрөн, Хангай нурууны арын Чулуут, өврийн Түй, Буянт, Хэнтий нурууны баруун хажуугийн Тэрэлж, Туул зэрэг голуудын усны түвшин 5-60 см нэмэгдсэн. Бэлтэс гол Баянзүрх сум болон Ховд гол Мянгад сум орчимд үерийн түвшинг 10-20 см давсан хэвээр байна. Гол мөрний усны түвшин борооноос шалтгаалан богино хугацаанд огцом нэмэгдэх, хуурай сайр гуу жалгаар уруйн үер болох нөхцөл бүрдэж байгаа тул үер, усны аюулаас сонор сэрэмжтэй байхыг анхааруулж байна