Энэ онд нийслэлийн 10 байршилд шинээр зам засварын ажил хийхээр төлөвлөсөн . Энхтайваны өргөн чөлөө, Их тойруу, Ажилчдын гудамж, Чингисийн өргөн чөлөө гэх хотын төвийн гол замуудыг шөнийн цагаар засварлаж байна. Гол замуудын суурь болон хийц эвдэрсэн асуудал их байгаа учраас суурийг хүчитгэж байна. 25 дугаар эмийн сангаас “Гранд плаза” дэлгүүрийн уулзвар хүртэлх байршилд зам засварын ажлын явцад гардаг чийгийг гадагшлуулахын тулд 48 цаг хүлээх шаардлагатай учир иргэдийг хүлээцтэй байхыг уриалжээ.