Цагаан сарын баяр нь менингококкт халдварын дэгдэлт идэвхжих үетэй давхцаж байгаа тул халдвараас сэргийлэх дэглэм сайтар сахихыг эрүүл мэндийн байгууллагуудаас анхааруулж байна. Олон хүн цугларсан газарт аль болох бага насны хүүхдийг дагуулж явахгүй байх, золгохдоо бага насны хүүхдийг үнсэхгүй байх, амны хаалт зүүж, гараа халдваргүйтгэх, ам, хоолойг давс, нимбэг, сод, сармисны уусмалаар ээлжлэн зайлах, гэр орондоо агаар сэлгэлт сайтар хийхийг зөвлөж байна. Менингококкт халдвар нь агаар дуслын замаар тархдаг болохыг анхаарахыг зөвлөжээ.