Сурагчдын 69.55 хувь нь шүдний эрт илрүүлэгт хамрагдсан байна. Нийт үзлэгт хамрагдсан 29,938 хүүхдээс 78.6 хувь нь шүд цоорох өвчинтэй, 85.2 хувь нь шүдээ хангалттай сайн угааж чадахгүй байгаа үзүүлэлт гарсан. Хүүхдийн шүд амны хөндийн өвчлөл нь өсөлтөд нөлөөлж олон төрлийн өвчин үүсгэх шалтгаан болдог. Энэ насанд хүүхдийн байнгын шүд ургаж эхэлдэг бөгөөд сүүн шүднүүд нь байнгын шүдээр солигдож холимог зуулт үүсдэг. Байнгын шүдний эрдэсжилт гүйцээгүй байдаг тул шүд цоорох өвчинд өртөмтгий байдаг