Эрх баригчид зодолдож зодолдож нэгэн төгс шийдвэр гаргасан нь яамдын сайд , төрийн байгууллагын хэдэн дарга нараа сольж дөрөвдүгээр ээлжийн хоолонд оруулах байлаа. Засгийн газрын хэдэн яамны сайдыг сольж байхаар төрийн данхар бүтцээ багасгаад боловсон хүчнээ чадваржуулаад ажиллах юм бол төсөв хэмнэх байв. Даанч гурван сая хүнтэй оронд 16 яам, 36 сайдуудтай болсон.Хийдэг ажил байхгүй, хэлдэг үг нь худал үгэн хачиртай чихэр зардаг болсон. Ядаж байхад 140 мянга байсан төрийн албан хаагчдын тоог 162 мянга болгож нам дагасан чадваргүй ах дүү хамаатан саднаараа дүүргэсэн бүтцээ хэвээр үлдэв. Дарга төвтэй Монгол улсын нэг байгууллагын найман ажилтны 6 нь дарга гэдэг үнэн. Дарга нар нь үүрэг өгч чадна. Хийж чадахгүй, нам дагасан цүнх баригчид нь олширсон болохоор эх орон хөгжихгүй байгааг ухаалаг дарга нар угаасаа ойлгохгүй нь.