Таван шар, 21 дүгээр хороолол, Хилчин хотхон, Баянхошуу, 3, 4 дүгээр хороолол, Нэгдүгээр хорооллыг дулаанаар хангах ТЭЦ-5 станц барих төсөлд хувийн хэвшлүүдийг хамтран ажиллахыг урьжээ. Баянгол дүүргийн 20 дугаар хороонд 340 Гкал дулаан, 300 МВт цахилгаан үйлдвэрлэх суурилагдсан хүчин чадалтай ТЭЦ-5 дулааны цахилгаан станцыг барихаар төлөвлөсөн. Газар, нүүрс, ус хангамжийг нэг дор шийдсэн, байгаль орчинд ээлтэйгээр станцыг барих аж. Нийт 600 сая ам.долларын энэхүү төслийн 20 хувийг нийслэл, үлдсэн 80 хувийг нь төр, хувийн хэвшлийнхэн хамтран гаргахаар тооцсон. Шалгуур үзүүлэлт нь техникийн боломжтой, хөрөнгийг шийдсэн байгууллага, иргэд төслийн шалгаруулалтад орох аж.