Зээлийн мэдээллийн тухай хуулийг хэлэлцэх үеэр УИХ-ын гишүүд олон асуултад хариулт авсан. Хууль санаачлагч УИХ-ын гишүүн Ш.Батшугар зээл олголтыг онооны системд шилжүүлснээр банкны хар жагсаалт байхгүй болно. Иргэд зээлээ төлсөн нөхцөлд оноо нэмэгдэн, төлж чадахгүй тохиолдолд зээлжих зэрэглэл буурна. Гамшгийн давагдашгүй хүчин зүйл үер ус, зуд, галаас шалтгаалж тухайн иргэд, байгууллага санхүүгийн чадамжгүй болсон тохиолдолд онооны системийг уян хатан болгох зохицуулалт хуульд орсон.Тухайн иргэн байгууллагын хохирлын талаарх мэдээлэл банкны дата санд бүртгэгдэж асуудлыг шийдвэрлэх боломжтой гэжээ. Өмнө нь зээлдэгч Монгол банкны хар жагсаалтад орсон тохиолдолд зургаан жил гарч чаддаггүй байсан. Энэ сөрөг нөхцөл арилна гэсэн. Иргэд хууль батлах үед асуудалгүй гэдэг ч хэрэгжилтэд хяналт тавихгүй бол иргэдийн амьдралд хүндрэл учруулдаг нөхцөл байдал давтагдах вий гэдэгт анхаарах шаардлагатайг онцолж байгаа юм.