Монгол улсын хөдөлмөрийн зах зээлд 30 мянган ажлын байрны сул орон тоо байна.Хувийн хэвшлийг оролцуулбал 200 мянган ажлын байрны сул орон тоо гарсан. Ажиллах хүчний хомстол бодитоор бий болсон гэж сүртэй мэдээлдэг. Гэхдээ аж ахуйн нэгжүүд 35-аас дээш насны иргэдийн ажилд авдаггүй. Авсан ч цалин хөлсөө ч олгох эдийн засгийн чадваргүй, худал шалтаг хэлж цалингүй шахам ажиллуулж байгаад төрөөс анхаарах хэрэгтэй байгаа юм. Гэтэл ахмадуудыг 60 нас хүртэл ажилласан тохиолдолд нэмэлт урамшуулал бодно гэсэн нь амьдралд буусангүй. . Ахмадуудад битгий хэл залууст ажлын байр олдохгүй, цагийн ажлын систем хэрэгжихгүй байгааг дарга нар мэдэхгүй байгаа бололтой. Хамгийн сүүлд 15 настай хүүг ачаа зөөлгөнө гэж аваад даацын хана нураалгаж амийг нь хохироосон шиг кейсүүд амьдралд олон байна. Байгууллагууд ажилтнуудад дуртай ажлаа даалгадаг. Даалгасан ч ажлаа хийлгэсэн ч цалин хөлсийг нь олгоогүйгээс хийсэн ажлаа эвдэлдэг гэх хэргүүд олноор гарах болсон. Ажилтнуудын цалинг олгоогүй аж ахуйн нэгжийг 5 сая төгрөгөөр торгож хохирлыг барагдуулна гэх. Хэдэн жил дамнасан шүүх болож байж л арай гэж авах байх. Хөдөлмөрийн мөлжлөг бодитоор байгаа болохоор иргэд ажилд орохыг хүсдэггүй. Хүссэн ажилдаа орох боломж Монголд байхгүй. Хүн бүр хүнд хүчир ажил хийх эрүүл мэндийн боломжгүй гэдгийг ойлгох хэрэгтэй. Гэтэл дарга нар хөдөлмөрийн насныхан ажилд ор гэдгээс өөр үг мэдэхгүй. яаж ажиллуулах системээ ч мэдэхгүй байна. Ядаж төрөөс хөдөлмөрийн зах зээлээ зөв мэдрээд цагийн ажлын зөв систем нэвтрүүлэн, ард иргэдийнхээ амьдрал ямар байгааг мэддэг бол зөв бодлого хэрэгжүүлдэг болох байх даа.