Нийслэлийн ЗДТГ-ын хуучин барилгыг Хүүхэд хөгжлийн ордон болгоно. Хүүхэд залуучуудын театр, Залуу техникчдын ордон гээд хүүхдийн гэсэн бүхнийг авлигачид аваад хаачсан нь мэдэгдэхгүй алга болгосон. Хүүхдийн гэсэн бүхнийг буцааж авна. Хүүхдүүд зуны амралтаар сургуулийн спорт урлагийн заалыг үнэгүй ашиглах боломж олгоно. Хүүхэд хөгжлийн ордонд сургалт хөгжлийн ажлууд зохион байгуулна гэж Ерөнхий сайд мэдэгдсэн. Харин иргэд Баялагийн сангийн хуримтлалаар хүүхдийг сургах нь зөв ч гэрт ойр сайн багшаар хичээл заалгах нь чухал байна. Гэрээс хол бол зөөх , автозамын түгжрэлд олон цаг орох гээд олон асуудал үүснэ. Үдийн цай хөтөлбөрт 12 ангийн хүүхдүүдийг хамруулах талаар шийдвэр гарах хэрэгтэй гэдгийг хэлжээ.