Монголын үндэсний допингийн эсрэг байгууллагын ажилтнуудын нэр барьж допингийн шинжилгээний хариуг өөрчилж өгнө, тамирчдын эрхийг сэргээж өгнө гэх залилан гарсан байна. Допингийн шинжилгээний хариуг өөрчлөх боломжгүй гэдгийг спортын байгууллагууд мэдэгдсэн. Мөн бэлэн мөнгө амласан сугалаа, судалгаа явуулж иргэдийг залилах тохиолдол нэмэгдсэн. Тиймээс бэлэн өгнө гэх судалгаа, сугалаанд оролцохгүй байх, холбогдох постын доорх линк дээр дарж банкны мэдээллээ алдахгүй байхыг цагдаагийн байгууллагаас анхааруулсан байна.