Улс төрчид 40 их наядаар нь төрийн мөнгөөр тоглож авлига авсан байхад тооцох хариуцлага нь хэдхэн сар хорихоос хэтэрдэггүй. Гэтэл улсын сургуулийн захирал биеийн тамирын заалаа түрээсэлж олсон 400 мянган төгрөгийн орлогоо өөртөө зарцуулснаар 2 жилийн ял авч хорих руу ачигдсан байна. Иргэдэд үйлчилдэг хууль чангарч, авлига авсан л бол ачигддаг болсон. Гэтэл улс төрчид тойрсон хэргүүд хэдэн их наяд хэдэн тэрбумаар яригдаж байгаа ч хэдэн арван жил шүүх дамжсаар байгааг хэзээ шийдэх нь тодорхойгүй хэрэлдэж маргалдсаар байгаа юм.