Ардчилсан намын Үндэсний бодлогын хороо хуралдлаа. Монгол Улсын Ерөнхийлөгчийн сонгуульд Ардчилсан Намаас нэр дэвшигчийг тодруулах журам, УИХ-ын сонгуульд нэр дэвшигчдийг тодруулах журмыг танилцуулсан. Ардчилсан Намын Үндсэн дүрэмд нэмэлт, өөрчлөлт оруулах тухай шийдвэрийн төсөл боловсруулах үүрэг бүхий ажлын хэсгийг байгуулж, бодлогын зөвлөлүүдийн бүтцийг батлах тогтоолын төслийг хэлэлцжээ.ҮБХ-ны 378 гишүүний 59 хувь нь 39 хүртэл насны залуучуудаас бүрдсэн байна. Хяналтын Ерөнхий хорооны гишүүдээр Д.Ганхуяг, Ш.Түвдэндорж, Д.Цэндсүрэн, З.Энхболд, С.Од-Эрдэнэ, Х.Ержан, Д.Батцогт,Т.Батчулуун, П.Ганхуяг, Л.Нарантуяа, Ч.Цасчихэр, Д.Үүрийнтуяа, Ц.Одонтунгалаг, А.Долгормаа, А.Жаргал нар сонгогдлоо.