МАН-ын эвлэрэл өнгөний тэврэлт байсан гэхээр дүр зураг улс төрд өрнөж байна. УИХ-ын гишүүдийг эгүүлэн татах хуулийг хэлэлцэх үеэр Ерөнхий сайд асан Л.Оюун-Эрдэнэд үг үзэл бодлоо илэрхийлсний төлөө хонгилын системээр УИХ-ын гишүүдийг чирсэн. Одоо ёс зүй ярих эрх байхгүй гэж гишүүд хэлсэн. Араас нь Үнэн сонины эрхлэгч асан нам дамнасан бүлэглэл үүсгэж авлига хээл хахуулийн хэрэгт холбогдоод буй А.Амундара “Намайг болон миний гэр бүл, үр хүүхдийг хамгаалалтад авах юм бол УИХ-ын нэр бүхий гишүүд, бизнесменүүдийн хууль бус үйлдлийг илчилнэ” гэсэн хүсэлтийг хуулийн байгууллагад гаргасан байна. Харин “Бодь интернейшн” компанийн захирал Д. Баясгалан авлигын хэрэгт холбогдоод буй ЗГХЭГ-ын дарга Б.Энхбаярыг огт танихгүй. Улстөрчдөд өндөр мөнгөн дүнтэй хахуулийг, уул уурхайн гэрээний төлбөрт өгөөгүй. Тийм өндөр дүнтэй мөнгөн дүнг гаргах боломжгүй гэдгийг хэлсэн. Харин НЗД асан Д.Сумьяабазар Д. Баясгалан, Б.Энхбаярыг хоёр танилцуулсан. Худлаа ярих хэрэггүй гэснээс маргаан үргэлжилсээр байгаа юм. Иргэд инфляцийн өмнө сөхөрч байхад улстөрчид тойрсон хүмүүс хээл хахуулийн хэргээ ээлжилж сөхсөөр байна. Эх орны хөгжил, иргэдийн сайхан амьдрах боломжийг хулгайлсан улстөрчид тойрсон бүлэглэлийн асуудлаа цэгцлээд, хөгжил дэвшил, эдийн засаг, иргэдийн ажил амьдралыг ярьдаг болохсон.