Ахмадууд тэтгэврийг 1.5 сая болгохыг шаардаж байгаа ч Засгийн газраас тэтгэврийн хуучин тогтолцооны давуу болон сул тал, бодолтыг шалгаж байна. Тогтолцоог шинэчилнэ гэхээс өөр үг хэлэхгүй удаж байгаа юм. Тэтгэврийн тогтолцоог шинэчлэхдээ хуримтлалын, олон давхар тэтгэврийн тогтолцоонд шилжинэ. Одоогийн тогтолцоогоор удаан явах боломжгүй. Тиймээс тэтгэврийг эдийн засгийн эргэлтэд оруулдаг олон улсын жишгийг ашиглах хэрэгтэй гэдгийг эдийн засагчид хэлж байгаа юм. Харин иргэд насаараа хөдөлмөрлөж нийгмийн даатгал төлсөн бол ядаж эм тарилга, эмчилгээ сувилгаа, амьдралын наад захын хэрэгцээг хангадаг тэтгэвэртэй байх хэрэгтэй гэдгийг сануулж байгаа юм.