Унгарын тагнуулын алба, “Үндэсний Татвар, Гаалийн Алба мөнгө угаасан хэрэгт сэжиглэн Украины генерал асан хүнтэй хамт явсан долоон иргэнд эрүүгийн хэрэг үүсгэсэн байна. Тэд Австриас Украин руу нийт 40 сая доллар, 35 сая евро, есөн килограмм алт тээвэрлэж явсан бөгөөд хоёр хуягт бэлэн мөнгө тээвэрлэгч тээврийн хэрэгслийг саатуулсан юм. Унгарын Гадаад хэргийн сайд Петер Сийярто Киев Унгараар дамжин бэлэн мөнгө тээвэрлэхтэй холбоотой хариулт өгөх ёстой гэсэн. Харин Засгийн газрын хэвлэлийн төлөөлөгч Золтан Ковач ⁠ баривчлагдсан долоон хүнийг Унгараас хөөж гаргах болно гэжээ. Тэдний тээвэрлэж байсан мөнгийг хэрхэх одоогоор тодорхойгүй байна.

Украйны Унгар дахь элчин сайд Шандор Фегир баривчлагдсан украинчуудтай уулзахаар Будапешт дэх Терроризмын эсрэг төвийн төв байранд очсон байна. Украйны Гадаад хэргийн сайд Андрий Сибиха баривчлагдсан хүмүүс Ошадбанкны ажилчид байсан гэж мэдэгджээ. Украин улс иргэдээ нэн даруй суллахыг шаардсан албан ёсны ноот Унгарт илгээсэн гэжээ. Европын Холбооноос “Унгарын хууль бус үйлдлийн талаар тодорхой мэдээлэл өгөхийг” шаардах болно гэжээ. /Poйтерс/