Бизнесийн зээл өсөж, иргэдэд олгох хэрэглээний зээл хязгаарлагдсан байна. Үүнээс шалтгаалж иргэдэд эдийн засгийн хүндрэл үүсч машин, цалин, картын зээлээ төлж чадахгүй иргэдийн тоо нэмэгдсэн байна. Тиймээс эдийн засгийн сөрөг үр дагавраас сэргийлэх арга хэмжээг төрөөс авч хэрэгжүүлэх шаардлагатай байгаа юм. Машины зээл авах нь эрс багассан нь сайн талтай. Тансаг хэрэглээний зээл хумигдснаар иргэд зээлийн дарамтад орохгүй гэсэн тайлбарыг албаныхан хэлж байгаа ч иргэд түгжрэлээс шалтгаалж хүүхдүүдээ машинаар хичээл сургуульд нь зөөх хэрэгцээ шаардлага нэмэгдсээр байгааг хэлж байгаа юм.