Украины Ерөнхийлөгч Владимир Зеленский: АНУ газар нутаг, аюулгүй байдлын баталгааны асуудлаар олон удаагийн хэлэлцээр хийж, үр дүнд хүрээгүй. Гэхдээ энэ зуны эхээр Украин, Оросын хооронд энхийн тохиролцоонд хүрэхийг хүсч байна. Оросууд дайныг зогсооход үнэхээр бэлэн байгаа бол хугацаа тогтоох нь үнэхээр чухал. Вашингтон Украин, Оросын төлөөлөгчдийг Майамид уулзахыг санал болгосон. Бид оролцоогоо баталгаажуулна гэжээ.

Харин АНУ, Кремль Киев Донбассын бүс нутгийг бүхэлд нь өгөхийг шаардаж байна. Тус газар нутгийн дөрөвний нэг орчим нь Украины хүчинд байсаар байна. Украин уг нутаг дэвсгэрийг өгөхөөс татгалзсан гэсэн.Харин Украины талаас “Бид байр сууриа илэрхийлсэн. Одоогийн фронтын шугам нь гал зогсоох шугам болно гэжээ. Зеленский Абу Дабид болсон гурван талт хэлэлцээрийн талаар “Аюулгүй байдлын баталгаагүйгээр дайны төгсгөл гэж байхгүй. Энэ бол туйлын тодорхой зүйл. АНУ, Оросын хоорондох зарим хоёр талын хэлэлцээр Украинд нөлөөлж болзошгүй. Украины оролцоогүйгээр бидний талаар хийгдсэн ийм боломжит хэлэлцээрийг дэмжихгүй” гэж мэдэгджээ.