Багануур, Тавантолгой, Шивээ овоо, Эрдэнэбүрэн, Эгийн гол, Шүрэн, Орхоны усан цахилгаан станц гээд нийт есөн станц баригдана гэж дарга нар амласаар л байсан Гэтэл олон арван жил өнгөрөөд байхад нэг ч станц ашиглалтад ороогүй. Эрчим хүчний салбар уналтад орж цахилгаан тасарч иргэд өвлийн хүйтэнд зутарч, аж ахуйн нэгж байгууллагуудын үйл ажилллагаа тасалдаж эхэлсэн. Цахилгаан станцууд ашиглалтад ороогүй үндэслэлийг хөрөнгө оруулалтыг шийдээгүй, улс төрийн зорилгоор унагасан, тендер будлиантуулсан гэх олон шалтаг хэлсээр ямар ч гүйцэтгэлгүйгээр бүтээн байгуулалтаа бүрэн гацаасан. Бухимдсан иргэд шаардахаар дарга нар арга буюу эрчим хүчний салбарын ажилтай танилцан, баахан үүрэг даалгавар өгөв. Даалгавар өгөөд хэрэгждэг байсан бол цахилгаан станцууд ашиглалтад орж, газрын тосны үйлдвэр баригдан шатахууны хомстолд орохгүй байсан. Үйлдвэрлэлээ хөгжүүлж чаддаггүй юм гэхэд төлөвлөсөн ажлуудаа хийдэг болчихвол Монгол улс хөгжих гээд байна.