Ахмадууд тэтгэврийн зээл авахад банкнаас шаардаж буй шалгуур, бүрдүүлэх материалын жагсаалтыг танилцуулж байна. Тэтгэврийн 19-36 хүртэл сарын хугацаатай зээл авахад дараах шалгуурыг хангасан байна.
Хамтран зээлдэгчтэй байх ба хамтран зээлдэгч нь зээл хүсэгчийн эхнэр, нөхөр, эцэг, эх, хүүхэд байна. Нас нь 18 хүрсэн байх ба өөрийн нэр дээр данстай, цалингийн болон бизнесийн орлоготой, хугацаа хэтэрсэн зээлийн үлдэгдэлгүй байна.
Бүрдүүлэх материал:

1. Зээлдэгч болон хамтран зээлдэгчийн иргэний үнэмлэх, иргэний үнэмлэхийн лавлагаа
2. Цалингийн орлоготой бол дансны хуулга, НДШ лавлагаа, /Сүүлийн 6 сарын орлого тасраагүй байх/
3. Бизнесийн орлоготой бол дансны хуулга, үйл ажиллагаа эрхэлдгийг нотлох дараах аль 1 бичиг баримт (үйл ажиллагаа эрхлэх зөвшөөрөл, түрээсийн гэрээ, үйл ажиллагаа явуулдаг обьектийн гэрчилгээ)
4. Малын ашиг шимийн орлоготой бол 100-аас доошгүй хонин толгой мал толлуулсан А бүртгэлтэй данстай байх гэжээ.