Иргэд Боловсролын зээлийн сангаас батлагдсан шинэ журмыг өөрчлөхийг шаардсан байна. Хуучин журмаар гэрээ хийж Австрали болон бусад оронд суралцахаар явсан оюутнууд шинэ журмаар босго оноо даваагүй гэсэн үндэслэлээр тэтгэлгээс хасагдахаар болсон байна. Шинэ журмаар суралцагчийн босго оноог 75 оноо гэж тогтоосон. Энэ оноог авсан нэг л оюутан байгаа аж. Бусад нь өмнөх журмаар 60-аас дээш оноо авч суралцахаар явсан. Шинэ журмаар гэрээ хийвэл энэ жилээс тэтгэлгээс хасагдахаар болсон учир оюутнууд гомдол гаргаж эхэлсэн. Мөн боловсролын зээлийн сангийн хөтөлбөрт хамрагдахыг хүссэн иргэд цахимд тавьсан мэдээлэлд суудал баталгаажуулах гэсэн мэдээ байгаагүй. Гэтэл суудал баталгажуулах гэсэн шалгуураар оюутнууд шалгалтад орж чадахгүй байх нөхцөл байдал үүссэн гэдгийг онцолсон байна.