Франц, Герман зэрэг орнууд залуучуудын дунд сайн дурын үндэсний алба хаах хөтөлбөрийг эхлүүлсэн. Харин Их Британи залуучуудад зориулсан цалинтай зэвсэгт хүчний “завсарлагааны жил”-ийг танилцуулжээ. Энэхүү хөтөлбөрт хамрагдснаар логистик, инженерчлэл, хангамжийн сүлжээний менежмент зэрэг чадварыг эзэмшинэ. Цалинг зарлаагүй байгаа ч цэргүүд 26,000 орчим фунт стерлингийн цалин авдаг юм. Завсарлагааны жилийн хөтөлбөрт оролцогчдыг цэргийн идэвхтэй ажиллагаанд илгээхгүй. Арми, Хааны Тэнгисийн цэргийн хүчин, Хааны Агаарын цэргийн хүчинд хуваарилж нэг жилийн сургалт, ажил хийх боломжийг 1000 залууст олгоно гэжээ.