МҮЭХ-ноос төрийн өмчийн хувьцаат компаниудын хувьцааг ажилчдад нь давуу эрхээр олгох ёстой. Улс төр, бизнесийн хүрээнийхэн ТӨХК-иудын хувьцааг авсан тохиолдолд олон ажилтан ажил амьдралаараа хохирч болзошгүй нөхцөл байдал үүснэ гэдгийг анхааруулсан.
Эдийн засгийн салбарт орон сууцны ипотекийн зээлд хамрагдах хүсэлтээ иргэд өгөөд гурван жил хүлээж байна. Гэтэл ипотекийн зээлд хамруулж өгнө гэх залилагчид 20 саяын хахууль нэхэж байна. Иргэдийн амьдрал улам л дордож байна гэсэн. Төрийн удирдлагуудыг хэдэн ч удаа сольсон нэмэгдэхүүний байрыг солиод нийлбэрийн чанар өөрчлөгдөхгүй байгааг онцолсон.
Жолооч нар иргэдийн анхдагч хэрэгцээ болсон шатахууныг шөнөжин дугаарлан хонож авч байна. Харин АҮЭБЯ-наас шатахууны хомсдлоос болж хоёр өдөр хүнд өнгөрснийг хэлж уучлал гуйсан. Шатахуун түгээх станцуудад шатахууныг ээлжлэн өгөх нөхцөл байдал үүссэн. Хилээр шатахуун орж ирж байгаа учраас дахин тасалдахгүй гэсэн сонгодог амлалтаа дахин хэлэв.