Оюутолгойн нотлох баримтыг хянах түр сонсгол Төрийн ордонд болж байна.Сонсголын үеэр Оюутолгой техник эдийн засгийн үндэслэлгүй үйл ажиллагаа явуулсан нь Монголын эрх ашигт нөлөөлсөн, хуулийг дагаж мөрдөөгүй, хяналт шалгалт сул байсан гэсэн гэсэн дүгнэлт хийсэн байна. Мөн гэрээг анх байгуулахдаа гэрээний хүүд анхаарал хандуулаагүй нь өр хуримтлагдах үндэс болсон. Тиймээс цаашид зээлийн болон хөрөнгө оруулалтын хүүг бууруулахад анхаарахгүй бол өр улам нэмэгдэнэ гэдгийг оролцогсод онцолсон. Оюутолгойн талаас Монгол улсын Засгийн газар хэзээ ч өрөө хугацаанд төлж байгаагүй. Өрийн хүү хүүнээс хүү бодогдсоор өр улам нэмэгдсэн гэдгийг хэлсэн байна. Нийт 12 тэрбум ам долларын өр хуримтлагдаад байгаа юм. Олон нийтийн хувьд Оюутолгойн гэрээнээс иргэд ногдол ашиг хүртэх боломжтой эсэхийг тодруулж байсан юм. Одоо бол зээлийн хүүг бууруулах чухал болохоос ногдол ашиг гэж ярих боломжгүй нь сонсголын явцад тодорхой болсон байна.