МАН-ынхан авлигатай тэмцээд сүйд. Хүний өөрийн намынх гэлтгүй баахан байгууллага хүмүүсийг шалгаж илэрсэн “но”-г нь зарлав. Бор тээгийг Админералд өгсөн, Гэрэл тауэрыг хямд худалдан авсан, Соёлын яам Монгол хаан жүжгийг 6,5 тэрбумаар санхүүжүүлсэн, Оюу толгой ХХК-ны 20 сая төгрөгийн зарцуулалт тодорхойгүй, халааснаас гарах зардал нэртэй мөнгө шилжүүлсэн, төрийн өндөр албан тушаалтны нууцад хамаарах гадаад томилолтын зардал ГХЯ-нд харьяалагдах ч ил гарсан, Эрдэнэс таван толгойн туршилтын нүүрс оруулж ирэх талаар түрүүлж ярилцан, мессеж бичилцсэн, Ерөнхий сайд асан Э.Оюун-Эрдэнэ Хятадын хоёр компанитай Админералыг хамтарч эзэмшиж байсан, Х.Баатарын мөнгө угаасан хэрэг олон ч асуудлыг авлигатай тэмцэнэ гэсэн сүрхий тодотголтой гарч ирсэн ХЗДХ-ийн сайд Б.Энхбаяр зарлав. Бүгд эрх баригч намынхны хамтарч хийсэн но-той, ноцтой үйлдлүүд болж таарсан. Өмнө нь таван Ш хөтөлбөр хэрэгжүүлнэ гээд баахан асуудал сөхөгдсөн ч хэрэг хэрхэн шийдэгдсэн нь одоо ч тодорхойгүй төсөвт завшуулсан мөнгөний хэд нь орж ирснийг иргэд мэдээгүй байгаа. Энэ удаагийн мэдээлэл намын хурлын өмнө шоу тавилаа гэх шүүмжлэл дагуулсан. Ямартаа ч баримттай нотолгоотой бол хуулийн дагуу хэргийг шийдвэрлээд шалгаад тогтоогоод хариуцлага тооцох л байх. Өмнөх шигээ баримт нь нотлогдоогүй хэрэг хаагдсан гээд тамга дараад хэлгүй юм шиг алга болохгүй гэж найдья. Үнэн бол үнэн нь илрээд худал нь гүтгэсэн нь хариуцлага хүлээдэг болох л хэрэгтэй.