Ши Жиньпин Өмнөд Солонгост болсон Ази, Номхон далайн эдийн засгийн хамтын ажиллагааны дээд хэмжээний уулзалтад оролцсон. Энэ үеэрээ АНУ-ын Ерөнхийлөгч Дональд Трамптай Пусаны Гимхэ агаарын баазад хоёр талын уулзалт хийжээ. Дэлхийн хамгийн том хоёр эдийн засгийн удирдагчид шар буурцаг, фентанилаас эхлээд ховор эрдэс бодис, өндөр зэрэглэлийн компьютерын чип хүртэлх олон сэдвээр санал зөрөлдөөнөө хэрхэн шийдвэрлэхийг олон нийт харж хүлээсэн. Гэсэн ч уулзалтын үр дүнгийн талаар тодорхой мэдээлэл хийгээгүй. Харин Цагаан ордноос нийтэлсэн зургуудад хоёр орны удирдагчдын нөхөрсөг байгаа зургууд нийтлэгдсэн байна.