Аж үйлдвэр эрсдэс баялгийн сайд Г.Дамдинням шатахуун татан авалт хэвийн байна гэсэн ч хомсдол үүсэхгүй. Үүссэн гэж ярьсан хүмүүсийг хууль хяналтын байгууллагаар шалгуулна гэсэн. Худал үгийг мянга давтахаар үнэн болдоггүй гэдгийг амьдрал харуулан тасалдал үүссэн. Эцсийн шалтгаан нь ОХУ-д Украины талаас дроны довтолгоо хийж шатахууны нөөцийн сав дэлбэрснээс татан авалт тасрах эрсдэл үүссэн байна. Тиймээс Хяталын талаас шатахуун авах хэлцэл хийсэн ч ирэх сараас нааш татан авалт хийх боломж байхгүй байгаа аж. Иргэд зохиомол хомсдол үүсгэж үнийг нь нэмэх гэж байна гэж хардах нэг хэсэг байхад нөгөө талд ОХУ өөрсдөө гаднаас 20 мянган тонн бензин авахаар болсон байна. Дайны нөхцөл байдалд байгаа учраас буруутгах аргагүй гэсэн байр суурьтай байна. Яамнаас татан авалт хэвийн, дахин ОХУ-ын талаас шатахуун нэмж авна. Монгол улс шатахууны нөөцийн савтай болно гэсэн. Хэрэв үнэн бол иргэд ихээр шатахуун аваад байна гэсэн маргаан тасрах бололтой. Олон нийтийн зүгээс иргэдэд эхнээсээ 20 литрээс илүү шатахуун өгөхгүй бол ингэж хомсдол үүсэхгүй байсан. Яамныхан ярихаас хэтрэхгүй, зохион байгуулалт хийж чадахгүй байна гэсэн хатуухан шүүмжлэл шидэв. Инфляци өссөн байхад бензины үнэ өсвөл иргэдийн амьдралд хүнд цохилт болно. Албан тушаалд дуртай сайд нар ажлаа хийнэ гэж итгэе.