Дэлхийн эрчим хүчний тэнцвэрт байдалд өөрчлөлт оруулж болзошгүй цөмийн эрчим хүчний хүчин чадлаараа АНУ-ыг давж гарахад Хятадад туслах болно гэж Орос мэдэгдэв. “Ройтерс” агентлагийн мэдээлснээр, “Росатом”-ын тэргүүн Алексей Лихачев Оросын төв телевизэд хэлэхдээ, Орос Хятадын цөмийн бүтээн байгуулалтыг дэмжиж байна. Хятад улс 53.2 гигаватт цөмийн реакторын хүчин чадалтай станцтай. Харин АНУ 97 ГВт орчим цөмийн реакторын хүчин чадалтай станцтай. Оросын цөмийн “Росатом” төрийн компани Хятадад дөрвөн реактор барьсан. Дахин дөрвөн реактор барьж байна. Хятадын зорилго бол 100 ГВт-аас дээш цөмийн хүчин чадлаар АНУ-ыг давах явдал юм. Энэ зорилгодоо хүрэхийн тулд Хятад Оросын технологийг ашиглан цөмийн түлшний эргэлтийн хаалттай реактор барих хэрэгтэй болно гэжээ.