Авто машины дугаарын тэгш, сондгойгоор зорчих зохицуулалтыг зөрчсөн жолоочийг камерын хяналтаар илрүүлж, есдүгээр сарын 4-нөөс эхлэн хариуцлага тооцно. Сондгой тоогоор төгссөн бол 9-р сарын 3, 5, 7, 9, 11, 13, 15-нд, тэгш тоогоор төгссөн бол 9-р сарын 2, 4, 6, 8, 10, 12, 14, 16-нд хөдөлгөөнд оролцоно.

Улсын дугаарын тэгш, сондгойгоор ангилан хөдөлгөөнд оролцуулах зохицуулалт 08:00-20:00 цагийн хооронд хэрэгжих бөгөөд бүсчлэл харгалзахгүй, нийслэлийн төвийн зургаан дүүргийн хэмжээнд үйлчилнэ.