Зуны дэлгэр цаг ирж, амралт, аялал, зугаалгаар явж, хөдөө байгаа ахан дүүстээ очихыг хүссэн иргэд орон нутгийг ирэхээр зорих болсон. Орон нутгийн замын хөдөлгөөн эхэлсэнтэй холбоотойгоор зам тээврийн осол нэмэгдэж байна. Тиймээс жолооч нар замд гарахдаа заавал ослын гурвалжин, галын хор, эмийн сантай зорчихыг ГССҮТ-өөс анхааруулсан байна. Машин тань эвдэрсэн тохиолдолд ослын гурвалжинг машинаасаа 5 м зайтай байрлуулах хэрэгтэй. Ослын гурвалжин байхгүйгээс чулуу овоолдог ч холоос ирж буй машины жолооч харахгүй осол гардаг. Жилд 500-700 хүн зам тээврийн осолд өртөж амь насаа алдаж, гэмтдэг. Халх голын дайны үед жилд 900 цэрэг амь насаа алддаг байсан. Гэтэл энх цагт зам тээврийн ослоор 700 иргэн осолд өртөж байна гэдэг бол их тоо гэдгийг анхааруулсан байна.