Өмнөх Засгийн газрын шийдвэрүүд хуудуутай байсныг нотлон шинэ Засгийн газар төрийн данхар бүтцийг танаж эхэлсэн. Боомтын сэргэлтийн сайд, 20 минутын хотын сайд, Агаарын бохирдлыг бууруулах ажлыг хариуцсан сайдын албан тушаалыг татан буулгаж, нэг яамнаас 10 дарга, 500 гаруй хүнийг хална гэдгээ сүртэй мэдэгдэв. Эхнээсээ данхар бүтэц бий болгож төсвийн мөнгөөр тоглоогүй бол татан буулгах ч хэрэггүй байсан. Ажилгүйдэл ядуурал ихтэй үед дарга нар ч яахав гадаад орныг зориод одно. Энгийн ажилтнууд л хэлмэгдэж энд тэнд ажил хайх хэрэг гарна. Хайгаад ч цалингаа өгдөг чадамжтай газар хувийн хэвшилд ховор байгаа гэдгийг ухаалаг дарга нар мэдэх байгаа даа.