Эрх баригч намын гишүүдийн дунд албан тушаалын өрсөлдөөн эхэлсэн. Шинэ Ерөнхий сайдыг 30 хоногийн дотор тодруулах хуулийн хугацаатай. Эдийн засаг унасан, иргэд ажилгүй, орлогогүй байгаа энэ үед 30 хоногийг хүлээхгүй яаралтай горимоор асуудлыг шийдвэрлэнэ гэх мэдээлэл цацагдаж байна. Шинэ Ерөнхий сайдад УИХ-ын дарга асан Д.Занданшатар, МАН-ын ЕНБД Я.Содбаатар, ЗГХЭГ-ын дарга асан Н. Учрал нарын нэр яригдаж байна. Н.Учралын хувьд бараг шансгүй. Өмнөх Засгийн газарт ажиллаж байсан. Харин Я.Содбаатар Ерөнхйилөгчийн хүн гэгддэг ч нам дотроо дэмжигдэх магадлал тун муу.УИХ-ын сонгуульд өвдөг шороодсон ч Д.Занданшатар сонгогдох магадлалтай гэх таамаг хөвөрч байна. Хэн сонгогдсон ч эдийн засгаа сэргээж, иргэдээ ажилтай, орлоготой хөгжил дэвшлийг ахиулсан нэгнийг томилоосой гэж иргэд хүсэж байгаа. Сөрөг хүчний хувьд АН-ын засаг барьж байхад МАН сөрөг хүчнийг тултал нь хийдэг бол МАН-ыг засаг барьж байхад АН үхмэл сөрөг хүчин байсаар ирсэн. Энэ удаа ажил уяж гацаахгүй, бурууд нь хэлж, зөвийг нь дэмжих хүчтэй сөрөг хүчин болоосой гэж олон нийт шаардаж байгаа юм.