Жижиг чулуугаар том улс төрийг яаж хөдөлгөдгийг эрх баригчид харуулж байна. Эхлээд тавчикнаас болж Засгийн газар огцорч байсан бол өдгөө цүнхнээс болж хөдөлсөн. Цүнх, тавчик бол шалтаг, шалтгаан нь намуудын улс төрчдийн эрх мэдлийн төлөөх тулаанаас эхтэй. Энэхүү тулаан удаан үргэлжлэх тусам иргэд хохирно. Энгийн иргэдэд эх орны хөгжил цэцэглэлтийг бахдан, инфляцийн өсөлт, ажилгүйдэл, ядуурал багатай оронд ажиллаж амьдрах л чухал болохоос хэн нэгэн дарга сайд болох нь огтхон ч сонин биш байсаар ирсэн.Гэтэл Монголын нөхцөлд улс төр , нам дагасан иргэд л сайхан амьдардаг болсноос байсхийгээд л нэг хэсэг нь төрд гарах гэж тэмүүлж, нөгөө хэсэг нь албан тушаал сандал ширээтэйгээ зууралдан тэмцэлддэг болов. Улс орны эрх ашгаас илүү намын эрх ашгийг чухалчилдаг тогтолцоог өөрчлөхгүй бол чөтгөрийн тойрог хэвээр үргэлжилсээр байх нь.