Монгол улсын Ерөнхий сайд байсхийгээд нэг талаараа боловсон, нөгөө талаараа ёжилсон өнгө аястай мэдээлэл хийж ард түмнээсээ удаа дараа уучлалт гуйдаг болсон. Энэхүү уучлалын үгэндээ “Ялаануудаас айхгүй” гэж хэлсэн нь бэр охиных нь тансаглалын маргааныг дэвэргэн гал дээр тос нэмэв. Засгийн тэргүүн арга буюу АН, Хүн намыг засгаас гарган МАН дангаар засаг бүрдүүлье гэж хэлсэн сурагтай. Харин нөгөө талд Ерөнхийлөгчийн шаардлагаар Ерөнхий сайд өөрөө ажлаа өгөхөөр болсон гэсэн мэдээлэл түймэр шиг газар авлаа. Харин энэ олон мэдээлэл дунд МАН-ын Удирдах зөвлөлөөр хамтарсан засгийн асуудлыг авч хэлэлцэхээр болсон гэх мэдээлэл үнэн аж. Аль ч засгийн үед дарга нар унахын өмнө албан тушаалдаа ямар их хайртайгаа харуулж хэсэгтээ зууралддаг. Бүр цахим ертөнцийг худалдаж аваад хоорондоо тролл багуудаараа зодолддог. Ард түмний хувьд ажил хийдэггүй, тролл ажиллуулдаг, худлаа ярьдаг улстөрчид шиг хэрэггүй хүмүүсгүй болоод удсан. Салхи хаашаа эргэх нь хэсэг хугацааны дараа мэдэгдэх биз.