Зургадугаар сараас хэрэгжих эхлэх ажил үйлчилгээ, журмыг танилцуулж байна. Ирэх сараас 2000 орчим орон сууцны төслүүд хэрэгжинэ. Тэтгэврийн зээлийн шалгуурыг хуучин хэвэнд нь оруулна. Тээврийн хэрэгслийн улсын бүртгэлийн дугаарыг олгохдоо сүүлийн 10 жилийн дотор үйлдвэрлэгдсэн тээврийн хэрэгсэл байх, экспортын өмнөх техник хяналтын үзлэгт хамрагдсан байх гэсэн шалгуурыг хангасан байх заалтууд үйлчилж эхэлнэ. Өмнө нь арваас дээш жилийн насжилттай тээврийн хэрэгсэлд хотын дугаар олгохгүй. Тээврийн хэрэгслийн улсын бүртгэлийн дугаарыг олгохдоо өмчлөгч, эзэмшигч нь нийслэлийн иргэн, зөрчил торгуульгүй, даатгуулсан байх, тээврийн хэрэгслийн хөдөлгүүрийн экологийн ангилал нь “евро-4” эсвэл түүнтэй дүйцэхүйц буюу түүнээс дээш байх гэсэн шалгууртай байсан юм.