Зураг төсөлгүй, норм стандартыг мөрдөөгүй барилга барьсан компанид хариуцлага тооцсон тохиолдол байхгүй байна. Зөрчилтэй 300 гаруй барилга нийслэлд байдаг. Барилга барих зөвшөөрлийг зургаан сар хүлээдэг. Барилга ашиглалтад орохын өмнө улсын комисс ажилладаг ч үр дүн гардаггүй.Осол гарсны дараа л хяналт шалгалт хийж байна. Барилгын комиссын нэг гишүүн 30 сая төгрөгийн авлига авч шалгагдсан тохиолдол гарсан гэдгийг АТГ-аас мэдээлжээ. Эдгээр асуудлыг барилгын салбарын стандарт хяналт шалгалтын тогтолцоо хэлэлцүүлгийн үеэр хөндөн ярилцсан байна.