Өмнөговь аймагт уул уурхайн компаниудад хоол хүнстэй холбоотой халдварын 3 удаагийн дэгдэлт бүртгэгдээд байна. Хамгийн сүүлд Өмнөговь аймгийн Цогтцэций суманд байрлах 3 компаний 800-аад уурхайн ажилтан хоолны хордлогод орсон. Өмнөговь аймгийн Гурван тэс суманд байрлах уурхайгаас хоол хүнсний гаралтай халдварын сэжигтэй 77 тохиолдол гарч ХӨСҮТ-ийн гэдэсний халдварын тасагт эмнэлгийн тусламж авахаар зөөвлөрлөгдөн ирсэн. Одоогоор тандалт судалгаа, лабораторийн шинжилгээ хийгдэж байна.