2011 онд Сэлбэ голын урсацыг сайжруулах, орчныг тохижуулах төслийг боловсруулж, Их тойруугийн гүүрнээс Арслантай гүүр хүртэлх 1.3 километр хэсгийг хоёр тэрбум төгрөгөөр тохижуулж байсан. Гэтэл өдгөө Сэлбэ гол дагуу үерийн далан барих бус бетонон хана босгосон иргэд дургүйцэж байна. Учир нь уг хана 1.5 км урт, 4-4.5 метр өндөртэй. Урт бетонон хана Натурын гүүрнээс урд талын төмөр замын гарам хүртэл үргэлжилнэ. Албаныхан 100 жилд тохиолдох том үер, газар хөдлөлтөд тэсвэртэй, эвдрэхгүй далан хийнэ гэсэн энэ арай зохисгүй, мөнгө үрсэн шийдэл гэдгийг онцолж байна. Нийслэл хотыг үер, усны гамшгаас эрсдэлгүй болгох барилга байгууламжийг бүрэн бий болгоход нийт 4.9 их наяд төгрөг шаардлагатай гэсэн тооцоо гарсан байдаг аж.